ujala jab shab-e-zulmat par utarta hai
wo harf harf meri zat par utarta hai

us ek rang pe qurban dil ke sab mausam
jo rang shiddat-e-jazbaat par utarta hai

wo khwab-gah ki raunaq wo chand jaisa badan
kabhi hayat kabhi zat par utarta hai

sukhan-waran-e-kuhan us pe rashk karte hain
jo dard parcha-e-abyat par utarta hai

kabhi-kabhaar to suqraat ki rida ban kar
shuur-e-fikr tilismat par utarta hai