us atlasi qaba ke hi tasme ka dard hai
wo husn be-baha tha mera rang zard hai

gachi padi udas hai takhti ke aas pas
poche sukhae kaun ki mahaul sard hai

dariya mein bar bar dubota hun apna munh
tujh raushni ke lobh mein chehre pe gard hai

ulta bana raha hun main kaghaz pe aks ko
sidha wahi dikhaega jo asl mard hai

har lafz ka maqam hai 'rashid' ghazal ke ghar
har sher khandan ka ba-raub fard hai