lag ke baitha tha ek kone se
taza-dam ho gaya hun rone se

ye jawan sal ho gaya budha
ek tajassus ka bojh dhone se

khwab aankhon pe bar hote hain
main bahut thak gaya hon sone se

dil bhi kitna ajib hota hai
jo bahalta nahin khilaune se

wo mohabbat nahin mili hum ko
waqia rah gaya hai hone se

misl-e-yaqub bhi nahin hum log
aankhen andhi hain phir bhi rone se

hum faqat khun roenge 'rashid'
hum rahe shahr ko dubone se