us ka daman chhuT gaya

us ka daman chhut gaya
dil ka sahaara tut gaya

samjhe jis ko rahbar-e-amn
wo hi sukun bhi lut gaya

mujh se wo hain ruthe ruthe
mera muqaddar phut gaya

chot nazar ki sah na saka
dil ka shisha tut gaya

rukte nahin hain bahte ashk
band-e-dariya tut gaya

rahta hai wo mere dil mein
kis ne kaha hai chhut gaya

tirchhi nazar se yun dekha
hath se saghar chhut gaya

mil na saki us ki chaukhat
panw ka chhaala phut gaya

ashk to koi tapka nahin
shayad tara tut gaya

chupke se chheda us ne 'faza'
phoda dil ka phut gaya


Don't have an account? Sign up

Forgot your password?

Error message here!

Error message here!

Hide Error message here!

Error message here!

OR
OR

Lost your password? Please enter your email address. You will receive a link to create a new password.

Error message here!

Back to log-in

Close