us samt mujh ko yar ne jaane nahin diya
ek aur shahr-e-yar mein aane nahin diya

kuchh waqt chahte the ki sochen tere liye
tu ne wo waqt hum ko zamane nahin diya

manzil hai us mahak ki kahan kis chaman mein hai
us ka pata safar mein hawa ne nahin diya

roka ana ne kawish-e-be-sud se mujhe
us but ko apna haal sunane nahin diya

hai jis ke baad ahd-e-zawal-ashna 'munir'
itna kamal hum ko khuda ne nahin diya