use na dekh ke dekha to kya mila mujh ko
main aadhi raat ko rota hua mila mujh ko

tera na milna ajab gul khila gaya ab ke
tere hi jaisa koi dusra mila mujh ko

kal ek lash mili thi mujhe samundar mein
usi ki jeb se tera pata mila mujh ko

bahut hi dur kahin koi bam gira tha magar
mera makan bhi jalta hua mila mujh ko

meri ghazal thi pa 'alwi' ka nam tha us par
ghazal padhi to anokha maza mila mujh ko