us ko barson baad tanha jaane main kaisa laga
mujh ko to wo ajnabi ke sath bhi achchha laga

ek muddat se na dekha tha utha kar us ka gham
us ka gham bhi gard mein lipta hua tohfa laga

thi likhai bhi usi ki dastakhat bhi us ke the
kyun khat-e-tark-e-talluq ghair ka likkha laga

sahilon par ban saka us se na kuchh rishta magar
us ne chhoda jab bhanwar mein wo mujhe apna laga

main ki mere umr guzri inkisar-o-ijz mein
kuchh mashinon ko khata karta hua bachcha laga