utha leta hai apni ediyan jab sath chalta hai wo bauna kis qadar mere qad-o-qamat se jalta hai kabhi apne wasael se na badh kar khwahishen pa lun wo pauda tut jata hai jo la-mahdud phalta hai masafat mein nahin hajat use chhitnar pedon ki bayaban ki dahakti god mein jo shakhs palta hai main apne bachpane mein chhu na paya jin khilaunon ko unhi ke waste ab mera beta bhi machalta hai meri majburiyan dekho use bhi mo'tabar samjhun jo har taqrir mein apna lab-o-lahja badalta hai badan ke sath meri ruh bhi 'sipra' khathak nache ghazal sanche mein jab koi naya mazmun dhalta hai