zaban chup hai magar zehn ro raha hai lahu ki jite-jagte logon ka so raha hai lahu tamam umr mila zahr is tasalsul se ki apne-ap mein tiryak ho raha hai lahu ragon mein utri hai jo shai wo na-muwafiq hai ki sare jism mein kante se bo raha hai lahu bas ek daere mein raqs kar rahe hain hawas khayal hai ki bagula bilo raha hai lahu har ek lahza utarti kasafaten mujh mein aur ek gardish-e-paiham mein dho raha hai lahu koi kumak to mile ab mudafat ke liye wagarna rang ki taqat bhi kho raha hai lahu