uthi hai jo qadmon se wo daman se adi hai kya kya nigah-e-shauq pe zanjir padi hai wo yas ka aalam hai ki har ek nazar par mahsus ye hota hai judai ki ghadi hai yun dekhiye to marhala-e-shauq hai yak gam chaliye to yahi ek qadam rah kadi hai har ek qadam par hai kisi yaad ka saya har rahguzar mein koi diwar khadi hai har ghunche ke chehre se ubharte hain tere naqsh har gul mein tere husn ki taswir judi hai kheli thi kabhi husn se tere nigah-e-shauq itna hai tujhe yaad yahi baat badi hai naseh teri baaton se kati hijr ki ye sham ek aur fasana ki abhi raat padi hai kya jaaniye kya tha tera andaz-e-'tabassum' har dekhne wale ki nazar mujh pe padi hai