wahi maqbul leader aur diplomat hota hai
jo munh se this kahe to us ka matlab that hota hai

awamunnas ko aise dabocha hai girani ne
ki jaise cat ke panje mein koi rat hota hai

faraghat hi nahin milti bade-sahib ko meeting se
wo meeting jis ka ajanda faqat chup-chat hota hai

cricketer baz is andaz se chhaka lagate hain
zamin par gend hoti hai faza mein bat hota hai

yaqinan ho gaya hai modern apna gharana bhi
jahan par cap hoti thi wahan ab hat hota hai

yahi dekha hai 'shahid' tisri duniya ke mulkon mein
ki akasr qaum patli aur leader fat hota hai