wo chand jo chilman mein chhupa hai bhi nahin bhi kuchh us ne sitaron se kaha hai bhi nahin bhi rah rah ke chamakte hain teri yaad ke jugnu jaise ki andheron mein diya hai bhi nahin bhi maqtul ne khud rakkhi thi shamshir pe gardan bas is liye qatil ki khata hai bhi nahin bhi deta hai jo mansur anal-haq ki sadaen wo zat kabhi zat-e-khuda hai bhi nahin bhi munh par to muafiq hai pas-e-pusht mukhalif dushman jo mera hai wo saga hai bhi nahin bhi ye nim-nazar nim-nigahi ka asar hai jo tir-e-nazar dil mein chubha hai bhi nahin bhi