wo desh ki mitti se mohabbat nahin karte
jo man ki tarah hind ki izzat nahin karte

hum jodne wale hain falak aur zamin ko
mandir ki ya masjid ki siyasat nahin karte

padh kar jise barbaad nai nasl ho meri
hum aisi kitabon ki ishaat nahin karte

rahmat ka farishta kabhi us ghar nahin aata
jis ghar mein musalman tilawat nahin karte

'iqbaal' bharosa bhi dilae to kise aaj
dahshat-garon ki hum bhi himayat nahin karte