wo harf-e-shauq hun jis ka koi siyaq na ho
samajh sako na agar ishq ka miraq na ho

tere firaq se manus ho ke sochta hun
teri wafa ki tarah ye bhi ek mazaq na ho

juda na hon jinhen yarana ho judai ka
milen na wo jinhen milne ka ishtiyaq na ho

hazar shauq tera kam ho par khuda na dikhae
wo din ki teri judai bhi dil pe shaq na ho

bhala hua ki gham-e-ashiqi shiar kiya
wo kya kare jo kisi bhi hunar mein taq na ho