wo husn hai wo husn-e-be-misal hai kamal hai
ye ishq hai ye ishq-e-la-zawal hai kamal hai

sharab ka jo jam hai haram hai malam hai
jo aadmi ka khun hai halal hai kamal hai

ye dil tera faqir hai amir hai kabir hai
qalandarana haal hai dhamal hai kamal hai

firaq hai firaq hai sukun hai sukun hai
visal hai visal hai kamal hai kamal hai

main dekhta hun khwab mein ali hasan husain hain
huzur hain uwais hai bilal hai kamal hai