zamin-e-chashm ke sine pe panw dharte ashk jahan-e-hijr se shorida-sar guzarte ashk ghanim-e-naghma-e-ishrat ko kya dikhai den gharib-e-shahr ki aankhon mein raqs karte ashk masih ban ke libas-e-visal utra hai kisi ki shaal pe gir kar jiye hain marte ashk namak hai aankh ka sat-rangiyan nahata hua qaba-e-zakhm ke reshon mein rang bharte ashk hamara girya muakhkhar hua tasalli se dilasa deti nazar se chhupe hain darte ashk