wo jo bichhde maut yaad aane lagi zindagi tanha thi ghabrane lagi jab wo mere haal par hansne lage mujh ko duniya par hansi aane lagi ghar se wo jate hain ghar ki khair ho raunaq-e-diwar-o-dar jaane lagi itna jage intizar-e-dost mein hasraton ko nind si aane lagi be-sahaara ho chali thi zindagi wo to kahiye un ki yaad aane lagi us nazar ki ek jumbish par 'nazir' kaenat-e-ishq lahrane lagi