wo jo kahta tha zindagi mujh ko dard-e-dil de gaya wahi mujh ko us se milne main waqt par jaun us ne tohfe mein di ghadi mujh ko teri furqat mein jhil si aankhen lag rahin jaane kyon nadi mujh ko phir achanak kisi ki yaad aai jab mili meri diary mujh ko ab andhere sukun dete hain chubh rahi hai ye raushni mujh ko kitni lambi hai hijr ki ghadiyan ek ek pal lage sadi mujh ko sab mayassar to hai mujhe lekin khal rahi kyon teri kami mujh ko ruh thi qaid us 'inayat ki jism ne kar diya bari mujh ko