wo kah rahe hain ki ye zyaadti hai thodi si abhi to mashq-e-sitam hum ne ki hai thodi si meri rawish mein abhi kajrawi hai thodi si suna hai aisi hawa bhi udi hai thodi si kahin ye tark-e-talluq ki ibtida to nahin ab us ki yaad se wabastagi hai thodi si qarib jo the mere wo qarib-tar na hue mere khulus mein shayad kami hai thodi si zara tu itni hi pi kar to dekh ai waiz jo mere jam ki tah mein bachi hai thodi si khuda milega na us waqt tak tumhein 'sabir' junun-e-shauq mein jab tak khudi hai thodi si