wo mere pas thi gai hai abhi
meri duniya mahak rahi hai abhi

tirgi ko khabar nahin shayad
meri aankhon mein raushni hai abhi

us ne ek bar chhu liya tha yunhi
mujh mein khushbu si aa rahi hai abhi

zindagi us pe tajraba na kare
us ki baaton mein chashni hai abhi

main bhi ab tak udas rahta hun
un nigahon mein bhi nami hai abhi

is se pahle ki tirgi phaile
tum chale aao raushni hai abhi