wo mere sath aane pe tayyar ho gaya
sote se hadbada ke main bedar ho gaya

us ke hasin chehre pe khat khub tha magar
dadhi munda ke aur tarah-dar ho gaya

batti bujha ke hero heroine lipat gae
qissa bahut hi phir to mazedar ho gaya

qatil farar ho gaya police ke aane tak
ek rah-rau bechaara giraftar ho gaya

un ko gunah karte hue main ne ja liya
phir un ke sath main bhi gunahgar ho gaya

mardangi ka us ki bahut shor tha magar
aai shab-e-visal to bimar ho gaya