wo mere shahr mein aaya hua hai
kadakti dhup mein saya hua hai

tumhaare pyar mein tuta hua dil
kisi ke husn pe aaya hua hai

dil-e-barbaad ko tere sabab se
nai ulfat mein uljhaya hua hai

mohabbat ne mere se tund-khu ko
sar-e-bazar khinchwaya hua hai

mujhe milne ko us ne tang kurta
ba-taur-e-khas silwaya hua hai

nadamat sakht hai par hai khushi bhi
use khalwat mein bulwaya hua hai