wo tawanai kahan jo kal talak aaza mein thi
qahat-sali ke dinon mein teri yaad aati rahi

ek be-mani si saat ek la-yani ghadi
jism ke ujde khandar mein ek arsa ban gai

ek jhatka sa laga main tukde tukde ho gaya
us ki aankhon se nashe ki tegh mujh par gir padi

jis pe mere khun ki wazeh shahadat naqsh thi
mere qatil ki wo sabit aastin bhi phat gai

chaar-diwari ke gahre ghaar mein soya tha main
aur ek aawaz samton mein bikhar kar rah gai