wo tere gham ko pahchane nahin hain abhi apnon mein begane nahin hain hazaron mahfilen aisi hain jin mein hamare gham ke afsane nahin hain jo bhar jaen wo paimane hi samjho jo khali hain wo paimane nahin hain tere kuche ki raunaq hai hamin se tere kuche mein diwane nahin hain zara ban-than to le ai zindagani barae-husn virane nahin hain jahan-e-dilrubai allah allah jahan tum ho to farzane nahin hain wahan hi talkhiyan pita raha hun jahan ai 'daur' maikhane nahin hain