yahan se jae tamam duniya
mujhe bachae tamam duniya

mujhe na toke main so raha hun
diya jalae tamam duniya

zara thakawat si ho rahi hai
jagah banae tamam duniya

zamin karwat badal rahi hai
khala mein aae tamam duniya

is ek misre mein kuchh nahin hai
girah lagae tamam duniya

yahan pe main aur wo rahenge
yahan na aae tamam duniya

mujh aisa koi khuda nahin hai
agar banae tamam duniya