yak nala-e-asihqana hai yan
yak zakhma ba-sad tarana hai yan

mazkur rahe hai dard-o-gham ka
din raat yahi fasana hai yan

phenke hai wo tir-e-ghamza mujh par
samjhe hai ki dil nishana hai yan

gar apni badi ke sar ko kate
begana bhi pur-yagana hai yan

yak jumbish-e-shauq dil ko bas hai
kya hajat-e-taziyana hai yan

jo aae hai jhuk ke jae hai wo
goya ki sharab-khana hai yan

viran hue chaman se nikle
hum samajhte the aashiyana hai yan

aankhen jo bhari hi aatiyan hain
pani ka magar khazana hai yan

diwan ki mere tu sair to kar
ai 'mushafi' ek zamana hai yan

bulbul hai chaman hai sarw-o-gul hai
saqi hai mai-e-mughana hai yan