yar tujh se juda nahin hota
tu agar bewafa nahin hota

chashm-e-saqi agar nahin hote
zindagi mein maza nahin hota

ab to sun lo hamari fariyaaden
kaam tumre bina nahin hota

main ne dekha hai aap ka chehra
kaise kah dun khuda nahin hota

husn un ka to nur jaisa hai
har kisi ko ata nahin hota

gar tumhaari ana nahin hoti
darmiyan fasla nahin hota

be-sabab duriyan badhane se
pyar ka haq ada nahin hota