ye arz-e-shauq hai aaraish-e-bayan bhi to ho ada-shanas to hai aankh khun-chakan bhi to ho khuda khafa hai to sachche hain nasehan-e-aziz hamare lab pe kabhi shikwa-e-butan bhi to ho ye rang-o-nikhat-o-tarkib-o-lafz khira-sari ze-rah-e-dida ba-dil-mauj-e-khun-rawan bhi ho hamein bhi naghmagari par hai naz baat to kar hamein bhi jaan nahin pyari hai imtihan bhi to ho abhi to hun dar-o-diwar hi se mahw-e-kalam harif-e-daulat-e-gham koi raazdan bhi to ho qatil-e-naz hun ai wa-e-e'timad-e-wafa wo iltifat kare pahle bad-guman bhi to ho kisi ko un se mohabbat kisi ko mujh se hasad milen wo mujh se magar koi darmiyan bhi to ho