ye baat ab ke use batana nahin padegi
ghazal ko hargiz ghazal sunana nahin padegi

jo wo mila to main kharch kar dunga ek pal mein
badan ki khushbu mujhe bachana nahin padegi

tujhe byahun to do qabile qarib honge
kisi ko banduq bhi uthana nahin padegi

main apne lahje ka hath thame nikal pada hun
kisi ko aawaz bhi lagana nahin padegi

main apni har ek siyah-bakhti ko jaanta hun
'zaim' tote ko fal uthana nahin padegi