ye baat bhi na jaante anjaan hain sabhi
duniya mein chand roz ke mehman hain sabhi

maujud ghar mein sukh ke yun saman hain sabhi
phir bhi yahan pe log pareshan hain sabhi

insaniyat se badh ke na mazhab koi bhi hai
ye baat jo na jaante nadan hain sabhi

duniya mein un ko rutba ziyaada na mil saka
itni si baat hi se pasheman hain sabhi

viraniyon mein chikhne wala ye kaun hai
ye baat soch soch ke hairan hain sabhi

be-baat ka hi khauf tha is imtihan ka
'agyat' ye sawal to aasan hain sabhi