ye baat waqt se pahle kahan samajhte hain
hum ek sarae ko apna makan samajhte hain

yaqin kisi ko nahin apni be-sabaati ka
sab apne aap ko shah-e-zaman samajhte hain

bas ek udan bhari hai abhi khalaon tak
isi ko ahl-e-zamin aasman samajhte hain

hamein bhi khinchti hai is kei har kashish lekin
ye khak-dan hai ise khak-dan samajhte hain

ye log itne fasurda isi liye to nahin
ki dusron ko bahut shadman samajhte hain

khuda unhen bhi ho taufiq is ibaadat ki
mohabbaton ko jo kar-e-ziyan samajhte hain