ye bichhadna to meri jaan bichhadna na hua mil ke roe bhi nahin hashr bhi barpa na hua ek wahshat si rahi tujh se bichhad kar dil mein lab-e-sakit se magar koi bhi shikwa na hua tujh ko pa kar bhi mukammal nahin ho paya kabhi aur main tujh se bichhad ke bhi adhura na hua wahshat-e-ishq ne masruf rakha tujh mein sada aur tujh ko kabhi mujh par hi bharosa na hua jaiye hum bhi ye taslim kiye lete hain hum ne dekha tha koi khwab jo pura na hua