ye jo jugnu hain ya sitare hain
hum mein raushan hain ye hamare hain

kya khizan kya bahaar ka jhagda
jitne mausam hain hum ko pyare hain

kis ke khake mein hum bharen un ko
rang phulon se jo utare hain

apne andar ki rakh mein ab bhi
jalte bujhte se kuchh sharare hain

bij bote hain jo hawaon mein
kitne masum wo bichaare hain

khwab-e-farda se kya hamein 'fikri'
aise khwabon se ab kinare hain