ye jo shisha hai dil-numa mujh mein tut jata hai bar-ha mujh mein main tere hijr ki giraft mein hun ek sahra hai mubtala mujh mein man mahakta hai kis ki khushbu se kaun rahta hai phul sa mujh mein kitne lamhat ka tha ek lamha zindagi bhar ruka raha mujh mein us ki aankhon ke band tut gae aur sailab aa gaya mujh mein jab bhi apni talash ko niklun laut aata hai rasta mujh mein ikhtilafat zehn-o-dil mein the ek tasadum sada raha mujh mein