ye kaenat to hai pitara faqir ka
hota nahin ghurub sitara faqir ka

duniya murid ban ke khadi hai magar hunuz
faqa mein ho raha hai guzara faqir ka

sadqe mein mil gain thin duaen faqir se
chamkega to hayat-sitara faqir ka

thokar mein us ko rakhna hi kar-e-sawab hai
duniya to hai janab utara faqir ka

ye kaifiyat bayan mein aati nahin 'nisar'
jab gunjta hai zehn mein nara faqir ka