ye kaise mod pe ek mehrban chhod gaya
hawa ke rukh pe khule baadban chhod gaya

nawadiraat ki qimat lagane nikla tha
jo aabdar badan par nishan chhod gaya

tamam log jise qatilon ki saf mein rakhen
wo mere sahn mein apni kaman chhod gaya

dar-e-dua se tamannaon ke dariche tak
wo mere waste ek imtihan chhod gaya

pahan liya hai ab us ne bhi shahr ka lahja
ye kya hua ki wo apni zaban chhod gaya