ye kashmakash-e-munim-o-nadar kahan tak
sarmaya-o-mehnat ki ye takrar kahan tak

tutegi na zulmat ki diwar kahan tak
utthegi na wo chashm-e-sahar-bar kahan tak

is shahr-e-dil-azar mein ab dekhna ye hai
rahti hai yunhi yurish-e-azar kahan tak

khushnudi-e-sayyaad ki khatir yunhi yaro
zindanon ko kahte rahen gulzar kahan tak

ek roz bil-akhir mujhe taslim karenge
jhutlaenge mujh ko mere aghyar kahan tak

is tarah to sar marka-e-dar na hoga
chhanoge 'wafa' kucha-e-dildar kahan tak