ye qaul aql ka hai mera faisla nahin
muhtaj ho subut ka ho wo khuda nahin

kyun raaz-dar-e-dil pe bharosa kiya nahin
aaina dekhta hai magar bolta nahin

raunde gae hain phul bhi kanton ke sath sath
gulshan mein inqalab se koi bacha nahin

bahte nahin hain waqt ki raftar dekh kar
hum khud bure bane hain zamana bura nahin

gumrah kar ke chhodega ye shauq-e-rah-rawi
hum us taraf chale hain jidhar rasta nahin

hai jurm sach jo puchho to ye hai pate ki baat
un ka pata mila hai to apna pata nahin