ye shahr hai anjaan kahan raat guzarun hai jaan-na-pahchan kahan raat guzarun daman mein liye phirta hun main daulat-e-gham ko ghafil hai nigahban kahan raat guzarun kutiya to alag saya-e-diwar nahin hai har rah hai viran kahan raat guzarun is rahguzar par to shajar bhi nahin koi aur sar pe hai tufan kahan raat guzarun bahrupiye phirte hain har ek rahguzar par koi nahin insan kahan raat guzarun dar wa hai koi aur na daricha hi khula hai har kucha hai viran kahan raat guzarun