ye zamin hi meri chatai hai
aur ye aasman razai hai

zindagi mat qarib kar us ke
mod par hi khadi judai hai

tum badalte baja magar kaise
dastaras hi meri burai hai

sans bazari hoti hai phir bhi
kitni lambi dukan jamai hai

zulm par kya zaban kho lenge
shahr ye aaj be-nawai hai

mazhabon ka naqab odhe phir
aag tu ne kahan lagai hai

baqi sab to faqir jaisa hai
chand ghazlen meri kamai hai

daur tha khaksar kahne ka
ab yahan bazm-e-khud-numai hai