yun bhi ras aai nahin us ki wafa tum rakh lo mujh ko bimar hi rahne do dawa tum rakh lo band kamron ki ghutan mere liye rahne do ye jo aati hai darichon se hawa tum rakh lo meri rahon mein bichha do tum andhere sare aur ye lo mere hisse ka diya tum rakh lo odh kar baith gai hun main dukhon ki chadar ye khushi aur ye khushbu-e-qaba tum rakh lo mujh ko ye nur-e-qamar tirgi se hasil hai mere andar se jo nikli hai ziya tum rakh lo pas baithe koi dil khol ke do baat kare baqi duniya ke ye atwar-o-ada tum rakh lo meri man to meri jannat ko liye baithi hai aisa kar lo mere purkhon ki dua tum rakh lo main gunahgar hi achchhi hun bara-e-mahfil ye jo tum bechte phirte ho khuda tum rakh lo