yun dil ko gudgudaya har gham jaga diya hai
us ne hansi hansi mein hum ko rula diya hai

puchha bahut jo hum ne kis or ab miloge
chutki mein ret le kar us ne uda diya hai

kal shab 'ajab hawa thi bujhte diye ki lau mein
wo aansuon ka kaghaz hum ne jala diya hai

raushan the raat hum se kheme musafiron ke
din ke safar mein sab ne hum ko bhula diya hai

jin kaghazon pe dil ki qimat likhi hui thi
in dimakon ko kis ne in ka pata diya hai