yun ho na mere samne ai husn be-hijab
har aan badh raha hai mera zauq-e-iztirab

chahun agar badal dun main ye nazm-e-kaenat
makhfi hai mere sine mein duniya-e-inqalab

wo muskura rahe hain nigahon ke samne
shayad meri du'aen huin aaj mustajab

makhmur aankhen mast adaen wo bankpan
uthti hui jawani ubalta hua shabab

daman bacha ke aap kahan jaenge 'zaki'
zarre bhi hain liye hue saman-e-inqilab