yun jawani aai rukhsat ho gai aaina dekha to hairat ho gai badh gai kuchh aur tauqir-e-junun apna ghar dekha to wahshat ho gai chhup chhupate phir rahe the aaj tak aaj tasht-az-baam ghurbat ho gai justuju ke panw thak kar rah gae duri-e-manzil qayamat ho gai aap ke aane se bas itna hua kuchh to taskin-e-tabiat ho gai aae baithe aur uth kar chal diye kis qadar jaldi qayamat ho gai