yun zindagi ke liye be-qarar hain hum log shikayaton ke liye sharmsar hain hum log abhi kisi ki nazar se riha hue hain hum abhi kisi ki nazar mein farar hain hum log chhupa rahe hain ghamon ko yun muskura kar hum nai sadi ke nae ishtihaar hain hum log shumar yun to hamara kahin nahin lekin sabhi ye kahte hain ki be-shumar hain hum log bikhar rahe hain abhi hum sanwar rahe hain abhi kabhi hain khush to kabhi sogwar hain hum log chuka rahe hain abhi qist-e-arzu ko hum yun hasraton ke abhi qarz-dar hain hum log mahak rahi hain fazaen abhi pasine se nai umid ki fasl-e-bahaar hain hum log