yunhi kati hai zindagi tanha
gham ho chahe ki ho khushi tanha

haq kahegi zaban ye meri
chahe kar de ye gam hi tanha

ek diya hi bahut hai jo kar de
ghup andhere mein raushni tanha

us ka lahja mujhe daraata hai
us ko kar de na be-hisi tanha

raaz dil ke dabe hi rahne do
kar na de tum ko aagahi tanha

mahfilen roz hi hain sajti magar
phir bhi lagta hai har koi tanha

sath tha yun to umr bhar koi
'rubi' phir bhi magar rahi tanha