zae nahin hoti kabhi tadbir kisi ki
meri si khudaya na ho taqdir kisi ki

nahaq mein bigad jaane ki aadat ye ghazab hai
sabit to kya kijiye taqsir kisi ki

qasid ye zabani teri baaten to suni hain
tab jaanun ki la de mujhe tahrir kisi ki

be-sakhta pahron hi kaha karte hain kya kya
hum hote hain aur hoti hai taswir kisi ki

aisi to 'nizam' un ki na aadat thi wafa ki
wo jaane na jaane ye hai tasir kisi ki