zakhm ab tak wahi sine mein liye phirta hun kufe walon ko madine mein liye phirta hun jaane kab kis ki zarurat mujhe pad jae kahan aag aur khak safine mein liye phirta hun ret ki tarah phisalte hain meri aankhon se khwab aise bhi khazine mein liye phirta hun ek nakaam mohabbat mera sarmaya hai aur kya khak dafine mein liye phirta hun dil pe likkha hai kisi aur pari-zad ka nam naqsh ek aur nagine mein liye phirta hun is liye sab se alag hai meri khushbu 'ami' mushk-e-mazdur pasine mein liye phirta hun