zakhm aisa hai dikhane se hawa lag jae tu dua kar ki mujhe koi dua lag jae hum se maston pe har ek rang siwa khulta hai ain mumkin hai andhera bhi diya lag jae sabzagi ho to purana bhi ghanimat hai mujhe dil ki virani mein ek rog hara lag jae sher se ishq agar kar-e-hawas jaisa ho itne achchhe se karen sab ko bura lag jae unt bhi jaise udasi ka hunar jaante hain bhuke pyase hon magar dasht bhala lag jae dil lagane se bahalne ka nahin hai 'rashid' aur wo dil ki jise ishq-e-khuda lag jae