zakhm gahre the bhala kaise mudawa karte
kuchh na hota jo agar khud ka tamasha karte

jhut hi hota magar khwab to hota koi
wo hamara hai sar-e-rah dikhawa karte

baat be-baat wo rakkhe to bharam chahat ka
hum bhi khamosh koi tark-e-tamanna karte

meri in aankhon mein jugnu se chamakte hain kai
khwab aate hain mera nind mein pichha karte

hum se ta-umr lipat jae to aaram mile
hum bhi har waqt use pyar se dekha karte

sher kahte hain to jine ka shuur aata hai
gar na kahte to bhala kaise guzara karte